I-Onchocerciasis
I-Onchocerciasis, ikwaziwa njenge-river blindness ne-Robles disease, isisifo esibangelwa lusuleleko lwentshulube esisifunxi-gazi i-Onchocerca volvulus.[1] Iimpawu ziquka ukurhawuzelelwa ngamandla, iingongoma ezingaphantsi kwesikhumba, kunye nobumfama.[1] Ingunobangela wesibini oxhaphakileyo wobumfama obubangelwa sisifo esosulelayo, emva kwe-trachoma.[2]
| I-Onchocerciasis | |
|---|---|
 | |
| Uhlelo nezibonelelo zangaphandle | |
| ICD/CIM-10 | B73 B73 |
| ICD/CIM-9 | 125.3 125.3 |
| DiseasesDB | 9218 |
Intshulube esisifunxi-gazi isasazwa ngokutyiwa yi-black fly yohlobo lwe-Simulium.[1] Ukutyiwa kaninzi kudla ngokwenzeka phambi kolosuleleko.[3] Ezi mpukane zihlala kufuphi nemilambo, kungeso sizathu le nto sibizwa ngeli gama esi sifo.[2] Zakuba ngaphakathi emntwini, iintshulube ziyila imibunguethi iziyele esikhumbeni.[1] Apha zingosulela i-black fly elandelayo ethi ilume umntu.[1] Kukho iindlela ezininzi zokwenza uxilongo eziquka: ukubekwa zesikhumba kwi-placing kovavanyo lwezicwili zesikhumba kwi- normal saline kunye nokujongwa kokuphuma kombungu, ukujongwa elihlweni lemibungu, kunye nokujongwa ngaphakathi kweengongoma eziphantsi kwesikhumba zeentshulube ezindala.[4]
Alukho ugonyo oluchaseneyo nesi sifo.[1] Uthintelo lungokubaleka ukubethwa ziimpukane.[5] Oku kungaquka ukusetyenziswa kweyeza lokugxotha izinambuzane kunye nesinxibo esifanelekileyo.[5] Amanye amalinge aquka lawo okunciphisa isininzi seempukane ngokufefeza izibulala-zinambuzane.[1] Asaqhubeka amalinge okuphelisa isifo ngokunyanga onke amaqela abantu kabini ngonyaka kuthotho lweendawo zasehlabathini.[1] Unyango lwabo bosulelweyo lungechiza eliyi-ivermectin rhoqo ukusuka kwiinyanga ezintandathu ukuya kwezilishumi elinambini.[1][6] Olu nyango luyawubulala umbungu kodwa alikwazi ukwenza njalo kwiintshulube ezindala.[7] Ichiza eliyi- doxycycline, elibulala intsholongwane eyi-associated ekuthiwa yi-Wolbachia, ibonakala izithomalalisa iintshulube kwaye iyanconywa ngabanye kananjalo.[7] Ukususwa kweengongoma ezingaphantsi kwesikhumba ngotyando nalo lungenziwa.[6]
Ngabantu abamalunga nezigidi ezili-17 ukuya kwezingama-25 abosulelwe yi-river blindness, nabasondele kwisigidi se-0.8 abanentwana ethile yokulahlekelwa kukubona.[3][7] Inkoliso yokosuleleka okuninzi yenzeka kwiAfrika engaphantsi kweSahara, nangona nezinye iimeko zixeliwe eYemen nakwiindawo ezimbalwa ezikukuMbindi nakuMzantsi weMelika.[1] Ngo-1915, ugqirha uRodolfo Robles waqala ukumanyanisa le ntshulube nesifo samehlo.[8] Sikwadweliswe yi-World Health Organization njengesifo setropiki esingahoywanga.[9]
Iireferensi tshintsha
- ↑ 1.00 1.01 1.02 1.03 1.04 1.05 1.06 1.07 1.08 1.09 "Onchocerciasis Fact sheet N°374" World Health Organization March 2014 retrieved 20 March 2014
- ↑ 2.0 2.1 "Onchocerciasis (also known as River Blindness)" Parasites CDC May 21, 2013 retrieved 20 March 2014
- ↑ 3.0 3.1 "Parasites – Onchocerciasis (also known as River Blindness) Epidemiology & Risk Factors" CDC May 21, 2013 retrieved 20 March 2014
- ↑ "Onchocerciasis (also known as River Blindness) Diagnosis" Parasites CDC May 21, 2013 retrieved 20 March 2014
- ↑ 5.0 5.1 "Onchocerciasis (also known as River Blindness) Prevention & Control" Parasites CDC May 21, 2013 retrieved 20 March 2014
- ↑ 6.0 6.1 Murray, Patrick (2013) Medical microbiology (7th ed.) Philadelphia: Elsevier Saunders p. 792 ISBN 9780323086929
- ↑ 7.0 7.1 7.2 Brunette, Gary W. (2011) CDC Health Information for International Travel 2012 : The Yellow Book Oxford University Press p. 258 ISBN 9780199830367
- ↑ Lok, James B.; Walker, Edward D.; Scoles, Glen A. (2004) "9. Filariasis" in Eldridge, Bruce F.; Edman, John D.; Edman, J. Medical entomology (Revised ed.) Dordrecht: Kluwer Academic p. 301 ISBN 9781402017940
- ↑ Reddy M, Gill SS, Kalkar SR, Wu W, Anderson PJ, Rochon PA (October 2007) "Oral drug therapy for multiple neglected tropical diseases: a systematic review" JAMA 298 (16): 1911–24 PMID 17954542 doi:10.1001/jama.298.16.1911